Сарыағаштағы медреседе түсірілген даулы видео туралы дінтанушы Елнар Берікбаев Facebook парақшасында пікір білдірді, деп хабарлайды Alakolmedia.kz.
Оның айтуынша, Ислам ілімі бойынша мұндай әрекет мүлдем дұрыс емес.
«Мұхаммед (с.ғ.с): «Жұмақ – ананың аяғының астында», – деген. Ұстаздың емес», – деді Елнар Берікбаев.
Сондай-ақ, дінтанушы осы оқиғаға байланысты Рим императоры Марк Аврелийдің мысалын келтірді.
«Рим императоры Марк Аврелийдің қасында әрдайым бірге жүретін арнайы қызметкері болған. Ол қошемет көрсетілген сәтте императордың құлағына сыбырлап: «Сен жай ғана адамсың», деп ескертіп отырған. Біздің ұстаздарға да осындай, олардың қарапайым адам екенін еске салып отыратын қызметкер керек», – деді.
Еске сала кетсек, медреседен балаларға аяғын уқалатып отырған егде жастағы азаматтың әрекеті желіге тарап жұрттың наразылығын тудырған болатын.
Post Comment