Қазақстанда міндетті әлеуметтік медициналық сақтандыру (МӘМС) жүйесіне жарна төлемейтін азаматтар да тегін скрининг тексерулерінен өте алады. Бұл туралы Мәжіліс депутаты Асхат Аймағамбетов мәлімдеді.
«МӘМС-те жоқ, жұмыссыздар және басқа да азаматтар осы скринингтен өте алмайтын. Неге? Өйткені МӘМС-ке жарнасын төлемейді. Өйткені жұмыссыз. Сондықтан біз бұл азаматтар үшін жақсы норма бердік. Бұл азаматтар да скринингтен өте алатын болады. Онкологияның ең үлкен қаупі – аурудың бастапқы кезеңдерінде симптомдардың байқалмауы. Сондықтан дертті ерте анықтау үшін скринингтен уақытылы өту өте маңызды», — деді Аймағамбетов.
Post Comment